Zyrtare: Januzaj i bashkohet Sevillës

Adnan Januzaj ka zbarkuar në Sevilla.

Sulmuesi belg do t’i bashkohet skuadrës andaluziane – teksa gjatë natës së mbrëmshme i kreu testet mjekësore.

Këtë lajm e ka bërë të ditur vetë klubi – përmes një postimi në Twitter.

Teksa, detajet e tjera të marrëveshjes nuk janë bërë publike.

27 vjeçari – tashmë do e ketë mundësinë të luaj në Ligën e Kampionëve dhe ka bërë një hap të madh në karrierë.

Januzaj ishte futbollist i lirë – pasi i ndau rrugët me Real Sociedadin.

Majtaku e djersiti fanellën e Sociedadit për pesë vite – teksa zhvilloi 131 ndeshje në elitën e futbollit spanjoll.

Interesim për të kishin shprehur edhe skuadra tjera si Evertoni dhe Napoli – por nuk pati ndonjë lëvizje konkrete./Shqip.com