Zelensky e quan Putinin ‘të dobët’ dhe thotë se ka humbur kontrollin mbi popullin rus

Përgjigja e Vladimir Putin ndaj rebelimit të armatosur të Wagner ishte “e dobët” dhe presidenti rus po humbet kontrollin mbi popullin e tij, tha presidenti ukrainas Volodymyr Zelensky.

Putin u përball me kërcënimin më të madh ndaj autoritetit të tij në dy dekada muajin e kaluar kur kreu i grupit paraushtarak Wagner, Yevgeny Prigozhin, nisi një kryengritje duke pretenduar kontrollin e objekteve ushtarake në dy qytete ruse dhe duke marshuar drejt Moskës.

“Ne e shohim reagimin e Putinit. Është i dobët,” i tha Zelensky për CNN.

“Së pari, ne shohim se ai nuk kontrollon gjithçka. Lëvizja e Wagner-it thellë në Rusi dhe marrja e rajoneve të caktuara tregon se sa e lehtë është të bëhet. Putin nuk e kontrollon situatën në rajone”.