Xhudistët anglezë po marrin pjesë në Kampin Ndërkombëtar të Xhudos në Pejë
Peja është mikpritësja e Kampit Ndërkombëtar në Qendrën Nacionale të Xhudos.
Qyteti i i rrafshit të Dukagjinit ka mbledhur shumë ekipe të xhudos për këtë event.
Përveç Kosovës, atje po marrin pjesë shtete si Anglia, Sllovenia, Çekia dhe Kroacia.
Në këtë Kamp po marrin pjesë edhe Ekipi Olimpik si Distria Krasniqi, Nora Gjakova, Akil Gjakova e Loriana Kuka.
Kampi përgatitor po udhëhiqet nga trajneri më i mirë në botë për xhudo, Driton Kuka.
Aty po marrin pjesë xhudistë të dyja gjinive dhe të moshave e peshave të ndryshme.
Stërvitjet janë të formatit ‘të butë’, duke mos rrezikuar kështu ndonjë lëndim eventual për pjesëmarrësit.
Kjo është një mundësi e mirë e xhudistëve tonë të përgatitën për garat që i presin në vijim.
Përndryshe, Kampi Ndërkombëtar do të zgjasë për një javë. /Shqip.com