Vrasja në QKUK, i dyshuari në arrati
Publikuar:
(01.12.2022 08:35:45)
Një ngjarje e rëndë ka ndodhur gjatë ditës së djeshme në oborrin e QKUK-së.
Një grua shtatzënë e moshës 35-vjeçare u vra në oborrin e Qendrës Klinike Universitare të Kosovës, ku kishte shkuar për të kryer lindjen e fëmijës së saj të parë.
Familjarë të viktimës kanë deklaruar se çifti kishte mosmarrëveshje në mes veti dhe për këtë e dinte edhe Policia e Kosovës.
I dyshuar për vrasjen është ish-bashkëshorti i saj, i cili ishte denoncuar edhe për dhunë në familje më herët.
I njëjti ndodhet ende në arrati.Sot në Prishtinë, pritet të organizohet protestë.
Kjo protestë, organizohet nga Kolektivi për Mendim dhe Veprim Feminist dhe nis nga ora 16:00.
Protesta organizohet në “Sheshin Zahir Pajaziti”.
/Shqip.com