VIDEO/ Policia bën njoftimin e rëndësishëm për shoferët që bëjnë këtë gabim në rrugë: S’do tolerohen

Pas shqetësimeve të panumërta nga ana e drejtuesve të automjeteve, për shoferët rebelë në rrugë, Policia e Shtetit është vënë në lëvizje.

Në Tiraë, akset dalëse nga Unaza e Madhe me drejtim brendësinë e kryeqytetit, në oraret e fluksit shndërrohen një sfidë më vete.

Kjo si rrjedhojë e shoferëve që nuk respektojnë radhën, por bëjnë kalim të menjëhershëm nga korsia e mesit në drejtim të asaj që të nxjerr nga Unaza, duke rrezikuar aksidentin.

Nga inspektimet e ditëve të fundit, policia ka gjobitur një numër të konsiderueshëm drejtuesish automjetesh, ndërsa paralajmëron se movra të tilla të rrezikshme do të ndëshkohen.

Së fundmi, kemi konstatuar disa shkelje të kodit rrugor, veçanërisht drejtuesit e mjeteve që kryejnë kalim të menjëhershëm nga një korsi në tjetrën, pa u pozicionuar në fillim, në kundërshtim me Nenin 174.2.b.Kjo manovër e rrezikshme jo vetëm që shkel rregullat por vendos në rrezik të gjithë përdoruesit e rrugës. Për të ndërgjegjësuar dhe parandaluar këto sjellje në të ardhmen, do të ndajmë pamje filmike të këtyre shkeljeve në rrjetet tona sociale. Ju lutemi, qëndroni të vëmendshëm dhe respektoni rregullat e trafikut për një udhëtim më të sigurtë për të gjithë”.