VIDEO/ Opozita në Shqipëri ndez zjarr në Kuvend

Pamjet që shihni i përkasin kaosit sot në Kuvendin e Shqipërisë.

Deputetët e opozitës ndezën tymuese dhe flakadanë.

Një prej flakadanëve përfshiu nga zjarri edhe një nga tavolinat e Kuvendit.

Deputetja e PS, Blerina Gjylameti duket teksa nxiton të hedhë ujë, ndërsa ndërhyjnë edhe efektivët e Gardës të cilët neutralizojnë flakët.

Edhe pse mes kaosit, tymit dhe flakëve, Kuvendi votoi ligjet e parashikuara në rendin e ditës. Me votat e mazhorancës u votua në parim edhe projektbuxheti për vitin e ardhshëm.

Për herë të parë në 32 vite, Kuvendi kaloi buxhetin pa debate për shkak të protestës së opozitës.