Vdekja e meteorologut Tahirsylaj / Haradinaj: I trishtë lajmi për vdekjen e tij, vjen nga një familje atdhetare

Ish-kryeministri i Kosovës, njëherësh kryetari i AAK-së, Ramush Haradinaj, është shprehur i pikëlluar për vdekjen e Sylë Tahirsylajt, ekspert i meteorologjisë.

Ai thotë se Sylë Tahirsylaj, vjen nga një familje atdhetare që u dëshmua në shumë breza.

“Kisha nderin t’i ndaj medaljen “ME BESIM NË ZOT, ATDHE E SHTET” për kontribut të jashtëzakonshëm në çështjen kombëtare shqiptare. Profesori Tahirsylaj do të kujtohet si njeri i urtë e atdhetar, profesionist e i dashur për të gjithë”, shkruan Haradinaj.

Tutje, Haradinaj ka ngushëlluar të gjithë që e njohën profesorin Tahirsylaj.

Njoftimi i plotë:

I trishtë lajmi për ndarjen nga jeta të ekspertit të hidrometeorologjisë, profesorit Sylë Tahirsylaj.

Sylë Tahirsylaj, vjen nga një familje atdhetare që u dëshmua në shumë breza. Kisha nderin t’i ndaj medaljen “ME BESIM NË ZOT, ATDHE E SHTET” për kontribut të jashtëzakonshëm në çështjen kombëtare shqiptare. Profesori Tahirsylaj do të kujtohet si njeri i urtë e atdhetar, profesionist e i dashur për të gjithë.

Ngushëllime familjes Tahirsylaj, kolegëve të profesionit dhe gjithë atyre që e njohën!

U prehsh në paqe, profesor!