Valbona Bytyqi – basketbollistja më e mirë e sezonit vjeshtor
Shqip
Valbona Bytyqi është e preferuara e tifozëve të basketbollit vendor.
FBK-ja vendosi që këtë vit ta shpallë për herë të parë basketbollisten më të mirë të stinorit vjeshtor – bazuar në votat e fansave.
Bytyqi mori gjithsej 714 pikë dhe u shpall fituese.
Kapitenja e Pejës ishte fenomenale në sezonin vjeshtor dhe një nga arsyet kryesore pse kjo skuadër gjendet në vendin e dytë.
Për konkurente ajo pati edhe katër basketbollistet: Irma Konjusha, Arbnore Përquku, Rael Whitsitt dhe Sarah Mhgbeike, por në fund triumfoi.
Numrat e votave që morën këto basketbolliste:
Valbona Bytyqi (Penza) 714.
Irma Konjusha (Bashkimi) 365.
Arbnore Përquku (Prishtina) 102.
Rael Whitsitt (Penza) 77.
Sarah Mgbeike (Prishtina) 43.
Kjo ishte hera e parë që Federata e Basketbollit të Kosovës organizoi një votim të tillë.
Sa i përket formës ekipore, skuadra më në formë në kampionatin vjeshtor ka qenë Prishtina, e cila nuk ka as edhe një humbje të vetme në dhjetë ndeshje.
Kurse, kampionja në fuqi, Penza është e dyta, pasi ka tetë fitore dhe dy humbje – të dyja ia ka shkaktuar Prishtina./Shqip.com
