United është i gatshëm të ofrojë 50 milionë euro për ‘shtyllën’ e Villarrealit
Shqip
Rivali lokal i tyre u shpall kampion i Premierligës.
Manchester United pati njërin nga sezonet më të dobëta në tre dekadat e fundit.
Me problemet në mbrojtje, Pau Torres do të jetë targeti kryesor për trajnerin Ten Hag, raporton Marca.
Klubi anglez është i gatshëm të shpenzojë 50 milionë euro për mbrojtësin e Villarrealit.
Reprezentuesi spanjoll ka qenë prej kohësh i lidhur me “Djajtë e Kuq” dhe me teknikun holandez që po planifikon rindërtim të skuadrës, “Old Trafford” mund të jëtë shtëpia e tij e re.
Kontrata që e mban atë aktualisht në “Estadio De La Ceramica”, i skadon në qershorin e vitit 2024.
Se pse është shënjestër kaq e kërkuar jo vetëm për Unitedin, janë paraqitjet e tij të jashtëzakonshme për klubin spanjoll në La Liga dhe sidomos në Ligën e Kampionëve.
Vlera e tij kap shifrën e 50 milionë eurove në treg, sipas “transfermarkt”. /Shqip.com
