Ukraina i bashkohet Spanjës e Portugalisë në kërkesën për të organizuar Kupën e Botës

Ukraina i është bashkuar ofertës së Spanjës dhe Portugalisë për të pritur Kupën e Botës FIFA 2030.

Përfaqësuesit e shoqatave të futbollit spanjoll, portugez dhe ukrainas konfirmuan planet e tyre në selinë e UEFA-s të mërkurën.

Ukraina u pushtua nga Rusia në shkurt dhe lufta ka vazhduar që atëherë me mijëra trupa dhe civilë të vrarë dhe qytetet e mëdha kanë pësuar shkatërrime të konsiderueshme.

Spanja dhe Portugalia fillimisht njoftuan një ofertë të përbashkët në qershor 2021, shkuran BBC.

Presidenti i Federatës së Futbollit të Ukrainës (UAF) Andriy Pavelko tha se oferta tregonte se futbolli evropian ishte “i bashkuar si kurrë më parë”.

“Unë ju falënderoj në emër të mijëra lojtarëve të vegjël që iu nënshtruan agresionit barbar ushtarak”, tha Pavelko. Këta fëmijë u detyruan të linin shtëpitë, klubet dhe shkollat ​​e futbollit, duke ikur nga plumbat dhe predha. Shumë prej tyre morën mbështetjen tuaj dhe gjetën strehim në vende të ndryshme evropiane. Tani ata mund të vazhdojnë të luajnë futboll në klubet evropiane dhe kanë bërë miq të rinj në të gjithë Evropën.”

Presidenti ukrainas Volodymyr Zelensky shkroi në Twitter:

“Oferta e përbashkët është më shumë se një simbol i besimit në fitoren tonë të përbashkët. Ukraina do të qëndrojë, do të mbizotërojë dhe do të rindërtohet falë solidaritetit të partnerëve të saj”.

The joint bid of Spain, Portugal & Ukraine to host the 2030 FIFA World Cup is more than a symbol of faith in our joint victory. Ukraine will endure, prevail & be rebuilt thanks to the solidarity of its partners. Grateful for the support to 🇪🇸 & 🇵🇹 @sanchezcastejon @antoniocostapm

— Володимир Зеленський (@ZelenskyyUa) October 5, 2022

Partneriteti trepalësh ka “mbështetje të pakushtëzuar” nga UEFA, organi qeverisës i futbollit evropian, sipas një deklarate nga Federata Portugeze e Futbollit (FPF)./Shqip.com