Lajme Botë

Trump nënshkruan urdhrin: SHBA tërhiqet nga Organizata Botërore e Shëndetësisë

Presidenti amerikan Donald Trump nënshkroi një urdhër ekzekutiv për të filluar procesin e tërheqjes së SHBA nga Organizata Botërore e Shëndetësisë.

“Oooh, kjo është një gjë e madhe,” tha presidenti i sapo betuar i SHBA-së ndërsa miratoi dokumentin pasi mbërriti përsëri në Shtëpinë e Bardhë. Ky ishte një nga dhjetëra veprimet ekzekutive që ai vuri nënshkrimin e tij në ditën e parë të detyrës.

Kjo është hera e dytë që Trump urdhëron tërheqjen e SHBA nga OBSH.

Trump ishte kritik për mënyrën se si organizmi ndërkombëtar trajtoi Covid-19 dhe filloi procesin e tërheqjes nga institucioni me bazë në Gjenevë gjatë pandemisë. Presidenti Joe Biden e anuloi më vonë atë vendim.

Kryerja e këtij veprimi ekzekutiv në ditën e parë e bën më të mundshme që SHBA të largohet zyrtarisht nga agjencia globale.

/Shqip.com