Tre të lënduar në një aksident trafiku në Fier, përfshihet vetura me targa të Kosovës
Publikuar:
(21.08.2021 11:12:17)

Tre persona kanë mbetur të lënduar si pasojë e një aksidenti trafiku që ka ndodhur të shtunën në mëngjes në by-passin Fier-Levan të Shqipërisë.
Mediat vendore raportojnë se të plagosurat janë tri gra, dy prej të cilave nënë e bijë. Të gjitha janë jashtë rrezikut për jetë.
Në aksident janë përfshirë dy automjete, njëra me targa të Korçës e tjera të Kosovës, të cilat pas përplasjes kanë dalë nga rruga.
Sipas raportimeve, njëra prej automjeteve ka goditur tjetrën nga pas dhe të dyja kanë përfunduar jashtë rruge./SHQIP.com
