Tre persona të lënduar nga një aksident në Prishtinë
Shqip
Tre persona janë lënduar pas një aksidenti që ka ndodhur në mes dy veturave në lagjen “Dardania” në Prishtinë.
Lajmin e ka konfirmuar për gazetën SHQIP.com, zëdhënësja e policisë për rajonin e Prishtinës, Flora Ahmeti, e cila ka thënë se personat e lënduar janë dërguar për trajtim mjekësor.
“Sot rreth orës 16:00, në lagjen Dardania, në Prishtinë, ka ndodhur një aksident rrugor në mes dy automjeteve në lëvizje. Bazuar në të dhënat fillestare, si pasojë e aksidentit lëndime trupore kanë pësuar 3 persona”, ka deklaruar ajo.
Tutje ajo ka shtuar se me rastin është duke u marrë njësiti i trafikut./SHQIP.com
