Tjetër fitore e Barcelonës së Xavit

Edhe një fitore.

Edhe një sinjal që po rikthehen në binarë.

Barcelona ka shënuar fitore 1-2 në udhëtim te Elche për të vazhduar formën e lartë që po kalon.

Ani pse katalunasit ishin favoritë në letër, ishin vendasit që shënuan të parët – në minutën e 44-të.

Topin në rrjetë e dërgoi Fidel dhe skuadra e tij shkoi e qetë në pushimin prej 15-të minutave.

Por, katalunasit nuk u dorëzuan.

I inkuadruar në pjesën e dytë – Ferran Torres e barazoi rezultatin në minutën e 60-të. Paraparakisht ai u asistua nga Jordi Alba.

Barca nuk u ndal së sulmuari për as edhe një moment të vetëm – dhe kjo iu shpërblye në fund.

Kur po zhvillohej minuta e 84-të, u akordua penalti për blaugranët – të cilën në gol e konkretizoi Memphis Depay.

Për sulmuesin holandez ky ishte goli i dhjetë i shënuar në këtë sezon të La Ligës.

Pas kësaj fitore – Barca mbetet në vendin e tretë – me 48 pikë të grumbulluara.

Në anën tjetër, Elche pozicionohet në vendin e 13-të, me vetëm 32 pikë të grumbulluara. /Shqip.com