Tërmeti i fuqishëm në Tibet, thellohet bilanci, të paktën 95 të vdekur, 130 të plagosur

Një tërmet i fuqishëm goditi rajonin e Tibetit, në Kinën jugperëndimore herët në mëngjes, në pjesën kineze të Himalajeve, ku autoritetet thonë se të paktën 95 njerëz kanë vdekur pas shembjes së shumë ndërtesave, ndërsa lëkundjet u ndjenë deri në kryeqyteti i Nepalit fqinj, Katmandu.

Tërmeti u regjistrua në orën 09:05 (ora lokale; 02:05 me orën tonë), sipas të dhënave nga CENC, agjencia publike sizmologjike e Kinës, e cila vlerësoi se ishte me magnitudë 6.8 ballë. Shërbimi Gjeologjik i SHBA (USGS) raportoi për një tërmet me magnitudë 7.1 ballë.

Videot e transmetuara nga CCTV shtetërore e Kinës tregojnë se shtëpitë e bardha në lartësi të mëdha janë shembur dhe gurët u shpërndarë në tokë.

Pamje të tjera vizuale tregojnë automjete të groposura nën rrënoja, ose klientët e supermarketeve që po largohen nga dyqani ndërsa tërmeti rrëzon sende të ndryshme në rafte.

Zjarrfikësit po punojnë në zonën e katastrofës mes mbeturinave dhe së bashku me të mbijetuarit, veçanërisht të moshuarit të mbuluar me batanije, në disa pamje të tjera me kamera CCTV.