“Teatri i Ëndrrave” heshtet përsëri

“Teatri i Ëndrrave” është heshtur edhe njëherë.

Kesaj radhe, Manchester City ka rrëmbyer pikët e plota ndaj “Djajve të Kuq” , pasi fituan me rezultat të pastër 0-2, shkruan Shqip.com.

Në këtë ndeshje që pritej të ishte derbi, skuadra e udhëhequr nga Pep Guardiola ishte dukshmëm më e mirë që nga fillimi, e deri në fund. Madje, për as edhe një moment të vetëm nuk e vunë në dyshim, epitetin e fituesit.

Goli i parë u realizea nga qendërmbrojtësi i Unitedit, Eric Bailly, i cili realizoi në portën e gabuar, pas vetëm shtatë minutave lojë.

Kur u prit që Unitedi të kundërpërgjigjej, ndodhi e kundërta.

Pas një asistimi të dhënë nga Joao Cancelo, ishte Bernardo Silva që e tundi rrjetën në minutën e fundit të pjesës së parë, për të dyfishuar rezultatin.

Deri në fund të takimit rezultati nuk ndryshoi, ani pse City patën disa raste të mira shënimi.

Me këtë humbje, tashmë është rrezikuar plotësisht pozita e Ole Gunnar Solskjaer, i cili po përballet me presionin e shkarkimit, tash e një kohë të gjatë.

Në anën tjetër, “qytetarët” ngriten në pozitën e dytë në tabelë në ishull, me 21 pikë, pas 11 ndeshjeve të zhvilluara.

Kurse, United gjendet në vendin e pestë, me gjashtë pikë më pak./Shqip.com