Takohen Vuçiq dhe Hill, diskutojnë për situatën në veri të vendit

Presidenti i Serbisë, Aleksandër Vuçiq dhe ambasadori i Shteteve të Bashkuara të Amerikës, Christopher Hill gjatë ditës së sotme kanë zhvilluar një takim në mes vete.

Temë kryesore e këtij takimi ka qenë situata në veri të Kosovës.

Pas takimit, Hill është shprehur se Uashingtoni vazhdon të mbështesë BE-në në përpjekjet për arritjen e zgjidhjeve në Kosovë dhe i bëri thirrje presidentit të Serbisë, Aleksandar Vuçiq që të vazhdojë angazhimin e tij konstruktiv në procesin e Brukselit.

“Një qasje konstruktive është padyshim mënyra për të gjetur një zgjidhje”, tha Hill pas bisedës me presidentin Vuçiq.

Në anën tjetër, Vuçiq është shprehur se Serbia mbetet e sinqertë ndaj dialogut me Kosovën.

“Falënderova SHBA-në për përfshirjen e tyre në qetësimin e tensioneve dhe parandalimin e përshkallëzimeve të mëtejshme dhe theksova se Serbia mbetet sinqerisht e përkushtuar ndaj dialogut dhe zgjidhjes së të gjitha çështjeve të hapura në mënyrë paqësore dhe me mirëbesim, në mënyrë që të ruajë paqen dhe stabilitetin e fituar me vështirësi të të gjithëve. rajoni”, ka thënë Vuçiq, raporton Tanjug.

Gjatë ditës së djeshme, Kosova dhe Serbia nuk arritën të nënshkruajnë marrëveshje për çështjen e targave.