Synimet e Al Nassr: Fillimisht Ronaldo, pastaj edhe ylli i Premierligës

Klubi arab është duke kërkuar shërbimet e dy yjeve evropianë, Cristiano Ronaldo e N’golo Kante.

Sipas raportimeve të fundit, Cristiano Ronaldo, i cili u largua nga Manchester United në nëntor pritet të nënshkruajë për Saudi Al Nassr, ku do të përfundojë karrierën e tij.

Plani i Al Nassr është edhe më ambicioz. Siç ka njoftuar “Footmercato”, klubi saudit dëshiron edhe N’Golo Kante.

Ky klub dëshiron që mesfushori francez të arrijë pas përfundimit të kontratës me Chelsea.

Prioriteti i lojtarit, për momentin, do të ishte vazhdimi në Evropë, por ai nuk ia mbyll derën aventurës saudite.

Mbetet të shihet nëse do ndodhë lëvizja e tyre drejt Arabisë Saudite.