Si ta menaxhoni panikun e të nxehtit?

Nuk jeni vetëm nëse mendoni se sulmet tuaja të panikut janë përkeqësuar ose më të shpeshta gjatë vapës së verës.

Sipas rezultateve të disa studimeve, simptomat me të vërtetë mund të intensifikohen me rritjen e temperaturës së jashtme.

Çrregullimi afektiv sezonal, ankthi dhe sulmet e panikut

Edhe pse dimri është zakonisht një periudhë melankolike e vitit që shkakton dëshpërim dhe humor të dëshpëruar, ky sezon nuk është i vetmi që mund të shkaktojë shqetësim psikologjik. Për shumicën e njerëzve, vera shoqërohet me pushime, udhëtime, destinacione ekzotike, festa, shoqërim, kalim më shumë kohë jashtë. Drita e diellit na mbush me energji pozitive, kështu që falë saj, trupi ynë prodhon më shumë vitaminë D, e cila kontribuon në një humor më të mirë. Megjithatë, kur vjen pjesa më e nxehtë e sezonit, mund të shkaktojë edhe ankth dhe sulme paniku. Ka disa fajtorë, por më i madhi është vapa, të cilën nuk e përballojmë dot kollaj.

Të gjithë këta faktorë mund të kenë një efekt negativ në statusin tonë psikologjik edhe nëse nuk kemi probleme të shëndetit mendor. Ankthi, mendimet depresive, nervozizmi për shkak të temperaturave të larta, trafiku… të gjithë këta janë faktorë që mund të shkaktojnë sulm paniku.

Sulmi i panikut është një nga pasojat më të zakonshme të ankthit, pse përkeqësohet gjatë verës?

Nxehtësia rrit kortizolin, hormonin e stresit që ndikon në simptomat e ankthit dhe receptorët e stresit, duke shkaktuar kështu një rritje të mendimeve shqetësuese. Gjatë verës, sidomos kur klima është tropikale, mund të shfaqen simptomat e mëposhtme:

-gulçim -të përzier
-lodhje
-shqetësim
i shprehur,shqetësim intensiv
-marramendje
-rrahje të shpejta të zemrës
-dridhje
-dehidratim.

Këto janë arsyet fiziologjike pse ndihemi më të shqetësuar gjatë verës.

Si të parandaloni sulmet e panikut në ditët e nxehta

Ankthi është shpesh një prelud i çrregullimit të panikut dhe sulmeve të shpeshta të panikut, dhe ajo që është më e rrezikshme dhe ajo që rrit panikun është frymëmarrja e shpejtë. Kur nuk kemi ajër të mjaftueshëm, ekziston frika e mbytjes, humbjes së vetëdijes ose vdekjes. Dhe nxehtësia mund t’i intensifikojë këto fenomene. Këto këshilla të thjeshta do t’ju ndihmojnë të parandaloni ose reduktoni ankthin dhe sulmet e panikut:

-Mos u ekspozoni shumë në diell (kini kujdes të mos e vendosni veten në situata ku vapa do t’ju shkaktojë shqetësim fizik, bëni aktivitete jashtë kur temperaturat më të larta gjatë ditës kanë kaluar)
– optimizoni planet tuaja (obligimet nuk ju “mbingarkojnë” edhe nëse janë të këndshme)
– pini më shumë ujë dhe shmangni alkoolin
– gjumë cilësor (ftohni hapësirën ku flini dhe shkoni në shtrat në të njëjtën kohë)
– bëni ushtrime të frymëmarrjes (ato do t’ju ndihmojnë të bini në gjumë më lehtë dhe do të zvogëloni simptomat e ankthit gjatë ditës)
– merreni me ankthin ose faktin që vuani nga sulmet e panikut (është e mundur të rivendosni gjërat në ekuilibër me mbështetje profesionale).

Si të silleni kur keni atak paniku

Personat e prirur ndaj sulmeve të panikut duhet të jenë informuar se këshilla e parë dhe më e rëndësishme është të qetësoheni dhe të merrni frymë. Disa njerëz e kontrollojnë sulmin duke marrë frymë në një qese, dhe për disa nuk ndihmon, kështu që shqetësimi rritet. Këtu janë disa ushtrime që do t’ju ndihmojnë të parandaloni një sulm paniku. Mos harroni: asgjë e keqe nuk do t’ju ndodhë dhe nuk do të vdisni nga një atak paniku.

-Vendosni pëllëmbët në fytyrë duke mbuluar hundën dhe gojën me gishtat e mëdhenj poshtë mjekrës. Thithni ekskluzivisht përmes hundës, nxirrni në duar, kthejeni ajrin menjëherë pas një mbajtjeje të shkurtër. Merrni frymë thellë, nga diafragma (barku). Ngrini shpatullat dhe merrni 10 frymë;
– Thithni me hundë sa më ngadalë që të jetë e mundur, më pas mbajeni sa më gjatë të jetë e mundur, deri në siklet. Nxirrni frymën sa më qetë të jetë e mundur, pastaj përsërisni 5 deri në 10 herë;