Shpërthen një granatë dore në Zubin Potok, dëmtohet një lokal dhe dy vetura

Policia e Kosovës ka njoftuar se një granatë dore ka shpërthyer ditën e premte në Zubin Potok.

Sipas policisë, një qytetar ka raportuar se dy të panjohur kanë hedhur mjetin shpërthyes në afërsi të lokalit të tij.

“Ankuesi mashkull kosovar, ka njoftuar se të dyshuar të panjohur kanë hedhur një mjet shpërthyes (dyshohet granatë dore) në afërsi të lokalit të tij. Si pasojë e shpërthimit janë shkaktuar dëme materiale në lokal, si dhe janë dëmtuar dy vetura të cilat kanë qenë të parkuara aty”, thuhet në njoftim.

Nuk raportohet për persona të lënduar, ndërsa rasti vazhdon të hetohet.