SHBA sanksionon njerëzit dhe organizatat që ndihmuan furnizimin e Rusisë me armë
Publikuar:
(14.11.2022 21:14:32)
Shtetet e Bashkuara të Amerikës kanë vendosur sanksione ndaj një rrjeti subjektesh dhe individësh, për të cilët thotë se ishin të përfshirë në furnizimin e Rusisë me teknologji ushtarake, të cilat përdoren në luftën e saj kundër Ukrainës.
Departamenti i Thesarit i SHBA-së tha në një deklaratë, më 14 nëntor, se pjesë e këtyre sanksioneve është një rrjet transnacional që i mundësoi Rusisë furnizimin me armë.
Në total janë sanksionuar 14 individë dhe 28 organizata apo subjekte, si dhe janë identifikuar tetë avionë si pronë e bllokuar, raporton Radio Evropa e Lirë.
Lufta në Ukrainë ka nisur që nga 24 shkurti. Se fundi Ukraina ka arritur që ta çlirojë qytetin e Kherson nga ushtria ruse.
/Shqip.com