SHBA kërkon nga qytetarët e saj të shmangin Aeroportin e Kabulit

Shtetet e Bashkuara të Amerikës kanë paralajmëruar qytetarët e saj që të shmangin aeroportin e Kabulit në mes të kaosit të vazhdueshëm jashtë terminalit.

Një alarm i sigurisë i lëshuar të shtunën u tha qytetarëve amerikanë të qëndrojnë larg për shkak të “kërcënimeve të mundshme të sigurisë jashtë portave”.

Vetëm ata që u është thënë individualisht të bëjnë udhëtimin nga një përfaqësues i qeverisë amerikane duhet ta bëjnë këtë, tha ai.

Këshilla vjen ndërsa mijëra përpiqen të ikin nga Afganistani përmes aeroportit pas marrjes nën kontroll të talebanëve.

Grupi militant përfshiu të gjithë vendin dhe kapi kryeqytetin, Kabul, më 15 gusht.

 Që atëherë, dhjetëra mijëra afganë – si dhe shtetas të huaj – janë drejtuar drejt aeroportit në një përpjekje për të ikur nga vendi.

Turmat janë mbledhur çdo ditë, me shpresën se do të lejohen të fluturojnë.

 Ata që punojnë me SHBA -në dhe aleatët e saj, si dhe njerëzit që kanë bërë fushatë për çështje si të drejtat e njeriut, kanë frikë se mund të përballen me hakmarrje nga talebanët nëse nuk janë në gjendje të largohen. /Shqip.com