Shabani fiton medalje të bronztë në Kampionatin Evropian
Shqip
Karateisti nga Kosova, Elhami Shabani ka arritur të fitojë medalje të bronztë në Kampionatin Evropian të karatesë.
Për të ky është suksesi më i lartë në karrierë.
Ai arriti të sigurojë një vend në podium, pasi mundi Hamza Turulijan e Bosnjë Hercegovinës 2:1.
Kampionati Evropian i Karatesë “Gaziantep 2022” u mbajt në Turqi dhe ai triumfoi në kategorinë -75 kg.
Shabani e nisi më mirë luftën dhe realizoi dy herë aksione për pikë, për epërsinë 2:0. Turulja më pas mori një pikë, por pa ia dalë të barazojë.
Kosovari fillimisht u ndal në raundin e tretë, por ka vazhdoi rrugëtimin përmes repesazhit, ku shënoi tri fitore për të siguruar medaljen e bronztë.
Shabani është i vetmi karateist i Kosovës që fiton medalje në Evropianin 2022./Shqip.com
