Sergi “Remontada” mbetet te Barça
Shqip
I shumëkritikuari për performancat e dobëta do të qëndrojë në “Camp Nou”
Sergi Roberto ka nënshkruar të premten kontratën e re me Barcelonën deri në vitin 2023.
Lajmin e ka bërë të ditur vetë klubi përmes faqeve të tyre zyrtare.
𝐒𝐄𝐑𝐆𝐈 𝐑𝐎𝐁𝐄𝐑𝐓𝐎 𝟐𝟎𝟐𝟑 💙❤️ #MadeInLaMasia pic.twitter.com/pIWA1irApy
— FC Barcelona (@FCBarcelona) June 10, 2022
Në fillim u mendua se ai nuk ishte më në planet e blaugranave, por doli të jetë e kundërta.
Vazhdimi i tij mund të jetë i lidhur ngusht me krizën financiare që e ka kapluar Barçën.
Agreement for the renewal of @SergiRoberto10 until June 30, 2023
— FC Barcelona (@FCBarcelona) June 10, 2022
Sipas raportimeve, 30 vjeçari ka pranuar një shkurtesë page prej 60 për qind nga sa kishte fituar me kontratën e vjetër.
Përndryshe, Roberto ishte tejet i pafat përgjatë sezoneve të fundit pasi ishte i përcjellur vazhdimisht nga lëndimet që e mbanin larg fushave.
Spanjolli është figurë e dashur për tifozët e klubit – tani ndoshta jo dhe aq – për golin vendimtar që e kishte shënuar ndaj PSG-së, në Ligën e Kampionëve.
Atëbotë, me Neymar dhe Messi-n në skuadër, Barcelona mposhti parisienët 6-1 për të kaluar për të rikthyer rezultatin e ndeshjes së parë (4 – 0). /Shqip.com
