Sadriu pretendon se Osmani termin “kriminel lufte” për Putinin e përdori para Biden-it
Shqip
Prindon Sadriu, i cili është bashkëshorti i presidentes së Kosovës, Vjosa Omsani, ka thënë se kjo e fundit, termin “kriminel lufte” për presidentin rus, Vladimir Putin e përdori e para.
Sadriu shkroi se pas Osmanit, të njëjtin term për Putinin e përdoren presidenti i ShBA-ve, Joe Biden dhe sekretarja e jashtme britanike, Liz Truss.
“8 mars 2022, Presidentja Vjosa Osmani: ‘Putini është kriminel lufte. 15 mars 2022, Presidenti Biden: ‘Putini është kriminel lufte. 17 mars 2022: Sekretarja e jashtme britanike Liz Truss: ‘Kemi prova shumë të forta që Putin ka kryer krime lufte’”, shkroi Sadriu në “Facebook”.
Presidentja e vendit, në protestës së mbajtur në Prishtinë më 8 mars në Prishtinë kundër luftës në Ukrainë, tha se janë bashkuar për ta dënuar agresionin rus mbi Ukrainën, në krye me siç e quajti ajo, kriminelin Putin.
“Jemi bashkuar botës demokratike jo vetëm për ta dënuar agresionin rus mbi Ukrainën por edhe për të kërkuar përgjegjësi për krimet qe po i kryen krimineli i luftës, diktatori Putin”, ishte shprehur Osmani.
Në anwn tjetër, presidenti i Shteteve të Bashkuara të Amerikës, Joe Biden e ka quajtur për herë të parë “kriminel lufte”, presidentin rus, Vladimir Putin./Shqip.com
