Rrokulliset traktori në Gjilan, vdes pasagjeri e lëndohet shoferi

Një person ka vdekur në Gjilan pasi ishte pjesë e një vetaksidenti me traktor që ka ndodhur dje, i ndjeri ishte pasagjer.

Në raportin 24 orësh të policisë thuhet se “shoferi derisa kishte qenë duke e drejtuar traktorin në rrugë me një pjerrtësi të madhe dhe kthesë në anën e majtë e kishte humbur kontrollin mbi drejtimin e traktorit dhe kishte goditur anësoret e rrugës e më pas ishte rrokullisur”.

Lëndime trupore ka pësuar edhe i dyshuari, drejtuesi i traktori, i cili pas marrjes së ndihmës së parë në qendrën emergjente në Ferizaj është dërguar në QKUK për tretman të mëtejmë mjekësor.

Trupi i pajetë i viktimës me urdhër të prokurorit është dërguar në Instituti i Mjekësisë Ligjore.