Roma tenton shërbimet e Iscos dhe Gotzes
Shqip
Giallorossët po përgatiten për humbjen e Mkhitaryan që do t’i bashkohet Interit si trasnferim i lirë.
Në radarin e klubit italian kanë janë spikatur dy mesfushorë me teknikë mjaft të lartë.
Bëhet fjalë për Isco Alarcon dhe Mario Gotze, raporton Gazzetta dello Sport.
Ylli i Real Madridit u dha tifozëve madrilen lamtumirën dhe zyrtarizoi largimin e tij me kontratën që i skadon këtë muaj.
Kurse, klubi i tij i radhës nuk është vendosur akoma pasi ai po shqyrton opsionet që ka për të nisur aventurë të re diku tjetër.
Nga ana tjetër, Mario Gotze ka kontratë valide me PSV-në deri në qershorin e vitit 2024, çfarë e bën transferimin e tij te kampioni i “Conference League” paksa më kompleks.
Sidoqoftë, kryeqytetasit janë të vendosur se mund të mposhtin Milanin në garën për 30 vjeçarin pasi mund t’i ofrojnë atij minutazhë më të madhe – pasur parsysh opsionet që kampioni i Ialisë ka në atë pozitë.
Isco nuk do t’u kushtonte asnjë monedhë skuadrës së drejtuar nga Jose Mourinho, përderisa heroi i Gjermanisë në Botërorin e 2014-ës vlen rreth 12 milionë euro, sipas ‘transfermarkt’. /Shqip.com
