Rohde mirëpret vendimin e Konjufcës për dërgimin e Projektligjit për KPK-në në Komisionin e Venecias

Ambasadori i Gjermanisë në Kosovë Jorn Rohde e ka mirëpritur vendimin e kryetarit të Kuvendit, Glauk Konjufcës për ta dërguar Projektligjin për Këshillin Prokurorial të Kosovës në Komisionin e Venecias.

Sipas Rohde ky veprim do të siguroj që ligji të jetë në harmoni me standardet e Bashkimit Evropian.

“Vërtet lëvizja e duhur. Ndjekja e rekomandimeve të Komisionit të Venecias të KiE-së do të sigurojë që ligji të jetë në sinkron me standardet evropiane”, ka shkruar ai në Twitter.

Indeeed the right move. Following the recommendations of the CoE’s Venice Commission will ensure that the Law is in sync with European standards https://t.co/Z9Ogxzzy9Q

— Ambassador Jörn Rohde (@GermanAmbKOS) July 31, 2023

Kuvendi ka njoftuar të dielën se Konjufca ka kërkuar opinion të tërësishëm mbi Projektligjin pasi Drafti është ndryshuar që nga vlerësimi i Komisionit të Venecias.