Refuzoi t’a takonte në shtëpinë e BBV, cili është raporti i motrës së Bardhit me Sarën?

Ish-banorja e “Big Brother VIP 3”, Sara Gjordeni, ka festuar një ditë më parë ditëlindjen.

E në ditën e saj të veçantë nuk kanë munguar urimet e shumta nga fansat, miqtë, familjarët dhe sigurisht nga partneri i saj, Bardhi.

Sara ka vendosur që të ndajë me ndjekësit një urim që ka marrë nga motra e Bardhit, Afërdita Idrizi.

Kjo e fundit, e nis mesazhin duke thënë se në fillim nuk e ka pranuar lidhjen e saj me të vëllain.

Afërdita shkuan se e gjykoi ish-banoren e BBV3, por shtoi se pavarësisht kësaj Sara Gjordeni e ka falur, ndërsa thekson se kjo e fundit ka ndryshuar familjen e tyre.

“Shumë urime për njeriun dhe femrën më të fortë që kam takuar! Shumë urime për vajzën që unë fillimisht gjykova dhe prapë ajo më fali. Shumë urime për vajzën që nuk e deshën dhe prapë ajo nuk u ndal me vepra të mira! Shumë urime për vajzën që e gjuajtën me gurë por bamirësitë e saj nuk pushuan së reshturi njëra pas tjetrës!

Urime për gruan e fortë që je dhe e shfaqe më së miri! Urime për gruan që ndryshoi familjen tonë! Shumë urime për nënën që po më bën hallën më të lumtur në botë! Të dua njeriu më i gjykuar në shoqëri po ashtu dhe më i drejti! Të bëhesh 100 e u shtofshin vajzat si ty!”, shkruan ajo.

“Ndër fjalët më të bukura që më kanë thënë sot. Afërdita Idrizi zemërmira jonë, të dua shumë”, ka shkruar Sara krahas mesazhit që ka postuar në “Instastory”.

Kujtojmë që gjatë qëndrimit të Bardhit dhe Sarës në shtëpinë më të famshme në Shqipëri, në një nga ‘prime-t’ Afërdita e surprizoi këngëtarin me hyrjen në shtëpi, megjithatë refuzoi të takonte partneren e këngëtarit.

Gjatë asaj nate, ajo u shpreh se nuk dyshon te veprimet e të vëllait dhe se ai di të menaxhojë çdo situatë, duke shtuar se këngëtari vendos vetë për jetën e tij.

“Nuk dyshoj për veprimet e Bardhit për asgjë këtu brenda por dua që të luajë. Nuk mendoj se duhet të heqë fokusin nga diçka tjetër, ai di të menaxhojë situatë. Mundet të mbajë mirë, edhe këtej edhe andej”, tha ajo.

“Ajo pjesa andej si ju duket?”, e pyeti moderatori.

“Ajo pjesa andej, bukur ëëë?”, tha Bardhi. “Mirë”, u shpreh ajo dhe qesh. Më pas shton: “Kisha pasur dëshirë t’i takoja të gjithë, por nuk dua të ndaj askënd që të mos pengoj Bardhin, duhet të vendosë vetë për jetën e vet. Është i zgjuar, përkrahjen e familjes e ka 100% për çdo vendim që merr”, përfundoi motra e këngëtarit.