Real Madrid i vë çmimin Ferland Mendy me United të interesuar
Shqip
Ardhja e Ten Hag në “Old Trafford” ka ngjallur interesimin e klubit në shumë pozita, dhe një nga ta është edhe ajo e mbrojtësit të majtë.
Në radarin e teknikut holandez është edhe Ferland Mendy i Real Madridit.
Gjiganti spanjoll raportohet t’i ketë vënë çmimin lojtarit prej 50 milionë eurosh, sipas Defensa Central.
Por, përveç Machester United është edhe Chelsea që ka shprehur interesim, me Marcos Alonson drejt Barcelonës dhe Ben Chilwell të lënduar për shumë muaj.
Majtaku këmbëshpejtë njihet për lojën e tij të mirë me top, stabilitetin në mbrojtje dhe daljet e shpejta në kundërsulme për t’i ndihmuar repartit ofanziv.
Kontrata që e mban atë në “Santiago Bernabeu” përfundon në qershorin e vitit 2025 dhe klubi që vendos të shkojë deri në fund për të, duhet të paguajë shifrën e vendosur nga madrilenët.
Mendy bëri 22 paraqitje në edicionin e La Ligës që lamë pas, me ç’rast arriti të shënojë dy gola dhe të asistojë tre.
Francezi nuk është se ka histori të mirë me lëndimet, pasi ka përjetuar shumë të tilla përgjatë tre viteve karrierë me “Los Blancos”, që prej se u transferua nga Lyoni më 2019. /Shqip.com
