Reagon deputeti gjerman pas lirimit të Pantiq: Tani është koha të hiqen barrikadat

Thomas Hacker, që është deputet në Parlamentin e Gjermanisë, ka reaguar pas vendimin për lirimin nga paraburgimi të ish-policit serb, Dejan Pantiq.

Hacker ka shkruar në Twitter, se tash është koha që të largohen barrikadat e vendosura.

Sipas tij, kjo duhet të bëhet nën mbikqyrjen e KFOR-it dhe EULEX-it.

“Dejan Pantic është liruar nga paraburgimi dhe është caktuar në arrest shtëpiak. Tani është koha për të hequr të gjitha barrikadat nën mbikëqyrjen e KFOR-it dhe EULEX-it. Duhet të rikthehet liria e lëvizjes”, ka shkruan në Twitter, deputeti Thomas Hacker.