Rasti i të moshuarës, sot në Gjakovë protestohet kundër dhunës

Një protestë e paralajmëruar do të mbahet në Gjakovë, kundër dhunës së ushtruar ndaj të moshuarës në qytetin e Pejës.

Rasti kishte ndodhur brenda objektit të shtëpisë së të moshuarve “Orenda” nga infermieret që punonin aty.

Protesta do të nisë në ora 12:00, tek lapidari “Shokët e lirisë”.

Ajo është e organizuar nga Shoqata Krimet e Luftës Gjakova dhe Bashkimi i femrave gjakovare.

Tri infermiereve të dyshuara për dhunimin e të moshuarës në shtëpinë e pleqve në Pejë iu është caktuar masa e paraburgimit prej një muaji.

Të pandehurat A.P, A.R dhe R.K, dyshohen se në bashkëkryerje kanë kryer veprën penale “sulmi”.