Raportohet se një autobus me udhëtarë nga Kosova është aksidentuar në Bullgari
Shqip
29 pasagjerë, prej tyre gjashtë fëmijë, janë strehuar në Bullgari, pasi që një autobus me pasagjerë nga Kosova, shkaktoi aksident në qytetin e Kyustendilit, transmeton Shqip.com.
Aksidenti është shkaktuar rreth orës 04:30, ku autobusi me pasagjerë nga Kosova ka goditur një kamion i cili kishte ndaluar e që po transportonte dru, raporton Struma.bg.
Sipas raportimeve, drejtuesi i kamionit të ndalur po përpiqej që t’u sinjalizonte pjesëmarrësve tjerë në trafik se një pemë kishte rënë në rrugë, teksa autobusi goditi kamionin, dhe ky i fundit doli nga rruga.
Ndërkaq, drejtuesi i autobusit ka pësuar lëndime të lehta trupore dhe është dërguar në Qendrën Mjekësore Qendrore në Kyustendil për ekzaminime të mëtejshme./SHQIP.com
