Raportohet për një mjet të dyshimtë në rrugën “B” në Prishtinë

Është mbyllur sonte për qarkullim një pjesë e rrugës “B”, në Prishtinë pas pranimit të informatës për dyshimet që lidhen me një mjet të dyshimtë në këtë rrugë.

Rasti është konfirmuar nga zëdhënësja e Policisë për rajonin e Prishtinës, Flora Ahmeti. Ajo tha se policia ka dalë në vend të ngjarjes dhe ka ndërmarrë veprimet operative.

“Rreth orës 20:30 është pranuar informata për dyshimet që ndërlidhen me një mjet të dyshimtë në rrugën “B” në Prishtinë. Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën”, ka thënë ajo.