Rama-BE-së: Po merrni vetëm njerëz të kualifikuar, s’funksionon kështu

Kryeministri Edi Rama ka thënë se Bashkimi Evropian po merr nga vendet e varfra vetëm njerëz të kualifikuar, por sipas tij nuk mund të funksionojë vetëm në këtë formë.

Ai këtë deklaratë e bëri gjatë fjalimit në Kongresin e Partive Socialiste Evropiane në Berlin, ku akuzoi BE-në për standard të dyfishta.

“Ka gjëra që janë të tmerrshme vërtet, pasi ne nuk jemi të pasur, por në njërin krah po shohim të rinjtë tanë të largohen sepse nuk po i jepet mundësia të kenë të njëjtin akses si sistemi arsimor i lartë evropian. Por nga ana tjetër shohim që ata që janë kualifikuar në Shqipëri, kërkohen të merren nga vendet e pasura.

Ai tha se ndihma që bëhet duhet të këmbehet dhe jo vetëm të mirët.

Ky është tregu, unë e kuptoj por kjo duhet të ketë balanca në një formë, një solidaritet pasi vendi ynë duhet të marrë diçka në këmbim. Ne i ndihmojmë gjermanët nëse nuk kanë më të rinj të punojnë si infermier apo doktor. Por ne duhet të ndihmohemi gjithashtu, s’mund të funksionoj vetëm në një formë”, tha Rama.