Putin dhe Erdogan takohen në Kazakistan

Vladimir Putin po takohet me presidentin turk Rexhep Tajip Erdogan në margjinat e një samiti në Kazakistan. Më herët, një zyrtar i Kremlinit sugjeroi se Erdogan pritet të ofrojë zyrtarisht idenë për të ndërmjetësuar bisedimet e paqes midis Rusisë dhe Ukrainës.

Siç raporton BBC, në korrik, Turqia ndihmoi gjithashtu për të ndërmjetësuar një marrëveshje për të lejuar anijet e grurit të niseshin nga portet e Ukrainës përmes Detit të Zi.

Presidenti rus Putin sugjeron se Turqia mund të përdoret si një qendër për të shpërndarë gazin rus në Evropë.

Në një takim me presidentin e Turqisë, Rexhep Tajip Erdogan, ai tha se rruga nëpërmjet Turqisë po rezultonte të jetë mënyra më e besueshme për të çuar gazin në BE.

Furnizimi me gaz përmes gazsjellësit Nord Stream nga Rusia në Gjermani është ndërprerë që kur Rusia pushtoi Ukrainën dhe u ndal plotësisht pas një shpërthimi në tubacionin nën Detin Baltik, i cili besohet të ketë qenë një akt i qëllimshëm sabotimi.

Të mërkurën, Putin tha se vëllimet e humbura nga gazsjellësi Nord Stream mund të zhvendosen në rajonin e Detit të Zi, duke e bërë Turqinë qendrën më të madhe për furnizimet me gaz në Evropë.

Turqia është përpjekur të veprojë si ndërmjetëse në këtë luftë, duke ndihmuar në negocimin e një marrëveshjeje që lejonte rifillimin e eksporteve të grurit ukrainas dhe shkëmbimin e të burgosurve midis Ukrainës dhe Rusisë.

Vendi, një anëtar i NATO-s me marrëdhënie të mira me Kievin dhe Moskën, tani po bën thirrje për një armëpushim./SHQIP.com