Publikohet lista e Kosovës U17 në volejboll

Përfaqësuesja e Kosovës U17 në volejboll e ka shpallur listën e volejbollisteve të ftuara për ndeshjet parakualifikuese të Kampionatit Evropian, i cili zhvillohet në Turqi, njofton FVK, shkruan Shqip.com.

Ekipi i kompletuar me 14 lojtare tashmë ka filluar ushtrimet, të cilat po i zhvillon dy herë në ditë të ndara në dy pjesë, atë teknike dhe taktike.

Nga e marta, 3 janar, ekipit do t’i bashkohet edhe trajneri i ri i Përfaqësueses, Donald Suxho, i cili eksperiencën e bujshme dhe bagazhin e pasur si volejbollist i suksesshëm do të mundohet ta transmetojë te vashat e reja kosovare.

FVK i ka ndërmarrë të gjitha përgatitjet e duhura për të ofruar kushtet e duhura në mënyrë që ushtrimet e Kosovës U17 të shkojnë sipas planprogramit.

Lista e lojtareve të ftuara

Erza Begaj

Enkela Voci

Yllza Haziri

Valencia Deda

Megi Bislimi

Blerina Begaj

Blerdina Voci

Fjona Shala

Sara Pira

Shqipe Hakolli

Era Fetahu

Merisa Slivova

Enda Gjakolli

Adea Millaku