Prishtina vazhdon me përforcime, transferon brazilianin, Santos
Skuadra nga kryeqyteti, Prishtina, ka zyrtarizuar një tjetër lojtarë për të përforcuar skuadrën.
Bëhet fjala për sulmuesin nga Brazili, Marclei Cesar Chaves Santos., i cili me Prishtinën ka nënshkruar kontratë një vjeçare.
“Futbollisti i radhës që ka nënshkruar kontratë me FC Prishtinën është sulmuesi nga Brazili, Marclei Cesar Chaves Santos. Ky i fundit tashmë është bashkuar me skuadrën kryeqytetase duke nënshkruar kontratë 1-vjeçare me mundësi vazhdimi edhe për një vit tjetër”, thuhet në njoftim.
Santos ka përvojë në futbollin e Kosovës.
33-vjeçari ishte pjesë e Ulpianës edicionin e kaluar ku në 20 paraqitje kishte shënuar gjashtë gola dhe ka dhuruar tre asistime.
Santos ka luajtur në Kosovë edhe për Arbërinë e Dobrajës dhe Feronikelin.
Pas largimeve të shumta Prishtina në 24 orët e fundit kanë transferuar katër lojtar, duke përfshirë edhe Santos./Shqip.com