Prishtina rikthehet te fitorja, me triumf të thellë përballë Malishevës
Pas një barazimi dhe një humbje Prishtina ka arritur të rikthehet te fitorja, me një triumf përballë Malishevës.
Ndeshja e zhvilluar në “Fadil Vokrri” përfundoi me rezultat 4:2, në të mirë të vendasve.
Skuadra nga kryeqyteti e hapi llogarinë, qysh në minutën e parë, me një gol të Mendurim Hotit.
Kreshnik Uka u përkujdes për 2:0, derisa Endrit Krasniqi thelloi rezultatin në minutën e 35-të.
Malisheva arriti të ngushtojë pakë epërsinë, me golin e shënuar nga Alban Shillova, në minutën e 39-të.
Para përfundimit të pjesës së parë, Prishtina morri edhe golin e katërt, për të cilin u përkujdes Kushtrim Gashi.
Malisheva arriti që edhe një herë të ngushtojë epërsinë, por pa pasur ndikim në rezultat.
Golin e dytë për mysafirët e shënoi Fiton Hajdari.
Me këtë fitore Prishtina ngjitet në vendin e dytë, kurse Malisheva mbetet e pesta./Shqip.com
