Plagoset me armë zjarri një person në Gjakovë, policia jep detaje
Shqip
Një person është plagosur me armë zjarri në rrugën “Yll Morina” në Gjakovë.
Kështu ka bërë të ditur zëdhënësi i policisë për rajonin e Gjakovës, Nysret Gjurkaj.
“I plagosuri ka marrë trajtim mjekësor në Spitalin e Gjakovës, ndërsa më pas është transferuar për në Prishtinë:” tha Gjurkaj për Shqip.com.
Ndër tjerash ai shtoi se i plagosuri ka marrë lëndime në dorë dhe në këmbë.
Ndërsa ende nuk dihet autori i veprës.
Në lidhje me rastin, policia deklaron se është duke i vazhduar hetimet./Shqip.com
