Pianistja Ibrahimi takohet me Kurtin pas 15-të çmimeve të fituara në gara ndërkombëtare
Shqip
Kryeministri i Republikës së Kosovës, Albin Kurti ka mirëpritur në takim pianisten e suksesshme Melisa Ibrahimi dhe profesoren e saj, Alberta Troni.
Ibrahimi ka përfaqësuar Kosovën në shumë gara ndërkombëtare.
Së fundmi, më 7 korrik, ajo ka vendin e tretë në garën ndërkombëtare për të rinj “Dinu Lipatti Roma 2022”, e organizuar me mbështetjen e Presidencës së Republikës së Italisë.
“Kryeministri Kurti i uroi për sukseset e deritanishme. Ai i tha se sukseset e tilla na bëjnë të gjithëve krenarë, dhe në të njëjtën kohë na rikujtojnë talentin dhe potencialin e rinisë sonë, si edhe përgjegjësinë që institucionet shtetërore kanë në mbështetje të tyre”, thuhet në njoftim.
Melisa Ibrahimi është fituese e 15 çmimeve të ndryshme në gara të pianistikës në Gjermani, Rusi, Britani të Madhe e Suedi.
