Petkoviq: Mandati i Ekipit Menaxhues zgjat deri në përfundimin e procesit të themelimit të Asociacionit

Drejtori i të ashtuquajturës “Zyra për Kosovën” në Qeverinë e Serbisë, Petar Petkoviq, ka reaguar pas deklaratës së kryeministrit të Kosovës, Albin Kurti, i cili ka thënë se misioni dhe funksioni i Ekipit Menaxhues për hartimin e Statutit të Asociacionit të Komunave me shumicë serbe ka përfunduar.

Petkoviq, tha se mandati i Ekipit Menaxhues zgjat deri në përfundimin e procesit të themelimit të Asociacionit dhe “nuk ka bazë ligjore që Albin Kurti ta shkarkojë atë organ në mënyrë të njëanshme dhe arbitrare”, raporton Tanjug.

“Fakti që nuk i pëlqen drafti i Statutit të Asosacionit është problem i tij personal, sepse mandati i Ekipit Menaxhues ekzistues është aktiv dhe i vlefshëm, i konfirmuar në disa raste nga përfaqësuesit e Bashkimit Evropian, por edhe nga ana e lartë. Përfaqësuesi i BE-së për Politikë të Jashtme, Joseph Borrell. Prandaj, para kësaj Kurti të kontestojë funksionimin e Ekipit Menaxhues, le ta rinovojë materialin dhe le ta rilexojë deklaratën e zëdhënësit të BE-së, Peter Stan se ekipi menaxhues nuk mund të zëvendësohet në mënyrë të njëanshme, sepse. ata janë pjesë e procesit të dialogut dhe se për ta është ende e vlefshme përbërja e atij ekipi”, tha Petkoviq.

Ndërsa, kryeministri Kurti tha se ekipi menaxhues e ka përfunduar misionin dhe funksionin e vet.

“Ekipi menaxhues e ka përfunduar edhe misionin edhe funksionon e vet, andaj ne nuk kemi më arsye ta dëgjojmë ekipin menaxhues që çka pati për të thënë e tha në Bruksel më 2 maj”, ka thënë Kurti.