Lajme

Petkoviq: Incidentet dhe përshkallëzimi i situatës në Veri vijnë nga Kurti

Drejtori i ashtuquajturës zyrë për Kosovën në qeverinë serbe, Petar Petkoviq
Drejtori i ashtuquajturës zyrë për Kosovën në qeverinë serbe, Petar Petkoviq

Drejtori i të ashtuquajturës “Zyra për Kosovën” në Qeverinë e Serbisë, Petar Petkoviq, i ka reaguar kryeministrit të Kosovës, Albin Kurti, i cili ka thënë se është Beogradi ai që po shkakton përshkallëzim të situatës në Veri të Republikës së Kosovës.

Petkoviq ka thënë se të gjitha incidentet dhe provokimet në veri kanë “ardhur ekskluzivisht” nga kryeministri i Kosovës, Albin Kurti.

“Të gjitha incidentet, provokimet dhe përshkallëzimi i situatës në Veri të Kosovës vijnë vetëm dhe ekskluzivisht nga Albin Kurti, si gjeneratori i vetëm i krizës , por edhe në zonën e Ballkanit Perëndimor, që ai demonstruar së fundmi në Maqedoninë e Veriut” , ka thënë ai.

Gjithashtu, Petkoviq ka thënë se Kosova në veri po “përpiqet të fsheh rezultat e politikës së saj katastrofale”.

/Shqip.com