Përmbytjet në Kentaki: Numri i të vdekurve rritet në 30

Të paktën 30 njerëz kanë vdekur tani në rajonin Appalachia të Kentakit lindor, ndërsa rajoni po përgatitet për më shumë reshje.

Të paktën gjashtë fëmijë – përfshirë katër vëllezër e motra, të moshës një deri në tetë, të cilët thuhet se u morën nga duart e prindërve të tyre – janë në mesin e të vdekurve, raporton BBC.

Guvernatori i Kentakit, Andy Beshear tha se numri i të vdekurve do të vazhdojë të rritet pasi “qindra” mbeten të pagjetur.

Më shumë se 12,000 familje mbeten pa energji elektrike dhe qindra shtëpi dhe biznese janë përmbytur.

Dëmtimi i rrugëve, urave dhe infrastrukturës tjetër do të duhen miliona për t’u riparuar, tha guvernatori të hënën.

Vendasit e zhvendosur janë strehuar në parqe shtetërore, kisha dhe shtëpi të lëvizshme të sjella nga shteti./Shqip.com