Përleshje në Fushë Kosovë: Një i lënduar e tetë të arrestuar
Shqip
Pas një përleshje në Fushë Kosovë, një person ka marrë lëndime, të mërkurën.
Po ashtu, Policia ka arrestuar tetë persona të përfshirë.
Lajmi për Shqip.com është konfirmuar nga zëdhënësi i Policisë së Kosovës për Rajonin e Prishtinës, Agron Borovci.
“Sot rreth orës 18:00 është pranuar informata për një përleshje fizike në progres në rrugën Nëna Terezë në Fushë Kosovë. Me të marrë informatën policia, ka arritur në vendin e ngjarjes dhe ka shoqëruar 8 persona të cilët ishin të përfshirë në rast”, ka thënë ai.
Policia po vazhdon punën për zbardhjen e rrethanave dhe motiveve që karakterizojnë ngjarjen. /Shqip.com
