Peja – fituese e “klasikes” ndaj Prishtinës
Shqip
Pikët e plota shkuan në Pejë.
“Shqiponjat” kanë dalë fituese – në klasiken e basketbollit vendor – ndaj Prishtinës.
Myafirët ishin favorit në letër, teksa kjo pa edhe në parket. Në fund, semafori tegoi 93-101.
Këtë takim, më mirë e nisën bardhëkaltërit – të cilët për disa momente patën epërsi deri në nëntë pikë (16-7) – në çerekun e parë.
Por, pejanët ishin më kërkues dhe treguan forcën e tyre.
Basketbollistët më të dalluar te skuadra fituese ishin Stephen Maxwell me 34 pikë e 10 kërcime dhe Tyron White me 32 pikë e 10 asistime.
Kurse, në anën tjetër, te Prishtina ndeshje të mirë zhvilluan, Wendell Mitchell me 23 pikë e 13 kërcime dhe Kenny Brown, i cili shënoi 25 pikë,.
Peja, tashmë ka 11-të fitore në këtë kampionat, teksa është mposhtur pesë herë.
Vendi i dytë – me 27 pikë(një më pak se Ylli që kryeson) është treguesi i formës së tyre të lartë.
Në anën tjetër, Prishtina nuk po kalon aspak formë të mirë.
Ekipi nga kryeqyteti ka tetë fitore dhe po aq humbje, teksa gjendet në vendin e katërt, me 24 pikë të grumbulluara. /Shqip.com
