Osmani uron Pashkët ortodokse

Sot besimtarët ortodoksë kremtojnë Pashkët. Në këtë ditë, uroj që paqja dhe respekti të mbretërojë në secilën familje!

Thuhet në urimin e Presidentes, Vjosa Osmani, për Pashkët Ortodokse.

“Pashkët janë festë e ringjalljes, ringritjes dhe shpresës dhe mundësi për ta ndarë gëzimin e shpresën me të gjithë. Festat si kjo janë manifestim i vlerave të përbashkëta njerëzore, humanizmit e solidaritetit, të cilat ngjallin shpresë për të ardhmen!”, ka shkruar ajo.

Tutje, ajo ka thënë se, le të dëshmohet në këtë festë shpirti ynë solidar dhe ta vazhdojmë traditën e çmuar të kremtimit të festave në frymën e mirëkuptimit, tolerancës dhe respektit të ndërsjellë!

 “Për shumë mote, gëzuar Pashkët ortodoksë!”, thuhet në fund të urimit.