Osmani udhëton në Hungari për vizitë zyrtare, zbulohet agjenda

Presidentja e Republikës së Kosovës, Vjosa Osmani, ka udhëtuar për vizitë zyrtare në Hungari, me ftesë të presidentit hungarez, Tamas Sulyok.  Vizita do të nisë me një ceremoni zyrtare me nderime ushtarake, të organizuar në sheshin Kossuth Lajos në Budapest.

Osmani, gjatë vizitës në Hungari, do të pritet gjithashtu nga Laszlo Kover, kryeparlamentarit të Hungarisë.  Në kuadër të kësaj vizite, Vjosa Osmani do të zhvillojë takime edhe me oda ekonomike në Hungari.Në kuadër të agjendës.

Osmani po ashtu do t’i drejtohet studentëve dhe profesorëve të Universitetit Eötvös Loránd me një ligjëratë dhe diskutim me temën “Kosova dhe e ardhmja e saj evropiane: Bashkëpunimi rajonal, angazhimi global dhe rruga përpara”, ku do të shpalosë prioritetet strategjike të politikës së jashtme të Republikës së Kosovës, përfshirë integrimin euroatlantik./KlanKosova