Osmani: Në Ditën Botërore të Lirisë së Shtypit, nderojmë gazetarët që i dhanë zë vuajteve tona gjatë luftës
Shqip
Në Ditën Botërore të Lirisë së Shtypit, presidentja e vendit Vjosa Osmani ka thënë që duhet të nderohen gazëtarët që kanë raportuar gjatë luftës së fundit në Kosovë.
Përmes një postimi në Twitter, Osmani tha se Indeksi i lirisë së shtypit është një “shembull i përkushtimit tonë ndaj demokracisë”.
“Në Ditën Botërore të Lirisë së Shtypit, nderojmë gazetarët që i dhanë zë vuajteve tona gjatë luftës dhe ata që vazhdojnë të ngrihen për të vërtetën dhe lirinë sot. Indeksi i lirisë së shtypit është një shembull i shkëlqyer i përkushtimit tonë ndaj demokracisë”, ka shkruar Osmani.
On #WorldPressFreedomDay we recognize brave journalists who gave voice to our suffering during the war, and those who continue to stand up for truth and freedom today.
— Vjosa Osmani (@VjosaOsmaniPRKS) May 3, 2022
🇽🇰’s progress in @RSF_inter press freedom index is a great example of our devotion to democracy.
Ndryshe më 3 Maj, shënohet Dita Botërore e Lirisë së Shtypit. Kjo ditë është shënuar që nga viti 1993 nga Asambleja e Përgjithshme e Kombeve të Bashkuara.
Sipas Indeksit të Lirisë së Shtypit Botëror, i publikuar nga organizata Reporterët pa Kufij, Kosova ka shënuar përparim sa i përket lirisë së mediave.
Në këtë indeks, Kosova sivjet radhitet në pozitën e 61-të, në krahasim me pozitën e 78-të, që ka mbajtur në vitin 2021.
“Përkundër përparimit, Kosova vazhdon të mbetet në mesin e vendeve me “situatë problematike”, siç e vlerësojnë Reporterët pa Kufij.
Në këtë kategori radhiten edhe vendet e tjera të Ballkanit Perëndimor, si: Shqipëria, Maqedonia e Veriut, Serbia, Mali i Zi dhe Bosnje e Hercegovina./Shqip.com
