Nunez – debuton me gol dhe titull
Shqip
Beteja mes dy gjigandëve në ishull ka filluar – me një fitore të Jurgen Klopp.
Pep Guardiolës nuk i kreu punë as Erling Haaland, teksa gjermanit – transferi nga Uruguai, Darwin Nunez i dhuroi titullin.
Liverpool ka triumfuar ndaj Manchester Cityt me rezultat 3-1 në kuadër të FA Community Shield.
Golin e parë e realizoi Trent Alexander Arnold – kur po zhvillohej minuta e 21-të.
23 vjeçari e lansoi një goditje të me të djathtën – teksa topi u devijua nga Ake dhe përfundoi në rrjetë.
Por, City nuk u dorëzua lehtë.
Pas disa rasteve të krijuara në pjesën e dytë – skuadra e udhëhequr nga Pep Guardiola – e barazoi rezultatin.
Julián Álvarez e tundi rrjetën – kur po zhvillohej minuta e 70-të.
Për sulmuesin argjentinas – ky ishte një debutim i ëndrrave, por që nuk përfundoi me gëzim.
Kur u mendua se koha e rregullt do të përfundonte me barazim – në “skenë” doli Mohamed Salah.
“Faraoni” shënoi nga penaltia – në minutën e 83-të dhe i dhuroi epërsinë.
Teksa, në fund të takimit – gol realizoi edhe Darwin Nunez.
“Vrasësi” nga Uruguai shënoi me kokë në minutat shtesë – për të treguar se në ishull ka zbarkuar për të fituar tituj./Shqip.com
